L’Abate Lanza è una commedia dialettale
dove Natoli esprime la potenza del dialetto siciliano come lingua e in cui
regna il tipico intreccio della commedia degli equivoci. Il protagonista,
Ottavio Lanza, è questa volta un eroe negativo, seduttore di donne, nobili e
contadine, nubili o sposate o perfino suore… che spiega la motivazione del suo
comportamento nel primo atto. E in seguito, tutto il suo gioco, abile e
perfetto si snoda portando a un finale un po’ comico un po’ surreale. La
commedia è ambientata nella Palermo del 1747, i nobili parlano un siciliano di
alto livello, mentre la gente comune un siciliano popolare. La cornice è quella
della nobiltà del ‘700, con le sue ipocrisie e le sue decadenze.
D. OTTAVIO Chistu succedi quannu l’abati è un cadettu di nobili famiglia, destinatu a gudiri prebendi e viscuvati; chi cu tutti l’ordini sacri, resta cavaleri e galanti; pratica palazzi e munasteri cu libirtà, e nun havi mancu bisognu di jiri circannu l’occasioni. Ma si parrati di chiddi chi pi miseria si fannu abati e restanu abati, la cosa è diversa. Figghi di poviri burgisi o di poviri impiegati, nun hannu àutra ambizioni chi di trasiri in casi titolati comu aji, e macari comu aji cappellani, pi campari la vita. ‘Nsignanu un pocu di latinu, ‘a storia sacra, a duttrina cristiana; accumpagnanu ‘i signurini a passeggiu, in carrozza, s’intendi; dicinu ‘a missa nt’â cappella d’u palazzu; legginu ‘u romanzu ‘a la dama; componnu ‘u sonettu pi l’onomasticu d’u patruni, o pi ‘u felici partu d’a patruna, o p’a munacazioni d’a patruncina. Hannu tavula, lettu, serviziu... ma cu tuttu chistu nun sunnu chi sirvituri; stannu un pocu cchiù sutta d’u mastru di casa: fra ‘u cammareri e ‘u cucchieri maggiuri; e qualchi vota, servinu pi mercuriu galanti d’a signura duchissa o principissa... Quali fortuna vuliti ca cci pruissi ‘u tuppu?...
Io... È n’àutru paru di manichi. Appartengu a n’àutra categoria. Cu havi spiritu, una certa erudizioni, un aspettu gradevuli, audacia, sapi vutari li parti; resta apparentementi servu, ma in realtà diventa patruni di fattu. Basta sapiri dari ‘u primu passu, e conquistari l’animu d’un patruni, e megghiu ancora chiddu d’â patruna. Allura l’abatinu diventa ‘u favuritu e l’arbitru d’â casa; nun si movi fogghia senza consultallu, cumanna, spenni... e spissu risparmia a lu sô nobili patruni macari la fatica di fari figghi. E tutti cercanu di trasiri nt’ê sô grazii; tutti l’invidianu; diventa l’uguali d’î signuri; è circatu, accarizzatu, desideratu: e si nun insuperbisci, si sapi mantiniri l’apparenza di una inferiorità, senza essiri pi chistu servili, trova tutti li porti aperti, megghiu di l’abatini nobili. Un pocu di sapienti ipocrisia, intraprendenza, audacia a tempu e locu, e havi tuttu: ricchizzi, putenza, amuri, senza aviri nuddu pisu…
Caru miu, ognunu havi dirittu a la sô parti di piaciri ‘nt’â la vita; pirchì tutti semu figghi d’Adamu; e si cci foru chiddi chi si pigghiaru per sé tutti l’agi e li gudimenti, e lassaru all’autri tutti ‘i duluri, è giustu chi cu’ po’, e comu po’, si ripigghiassi ‘dda parti di agi e gudimenti chi cci tocca. Ed è pi stabiliri st’equilibriu, chi Domineddiu detti l’imbecillità a li ricchi e lu talentu a li poviri. Cu’ nun nni sapi approfittari, furca chi l’adurca!
Luigi Natoli: Suruzza! e altre opere inedite per il teatro siciliano, con traduzione in italiano a fronte.
Pagine 729 - Prezzo di copertina € 25,00
Sconto del 20% se acquistato dal catalogo prodotti della casa editrice al sito www.ibuonicuginieditori.it
Disponibile su Ibs
Disponibile presso La Feltrinelli libri e musica
Nessun commento:
Posta un commento